الطباعة عند الطلب لمتجرك على شوبيفاي في السعودية
متجرك على شوبيفاي وعملاؤك في السعودية؟ وش يتغيّر لما تنطبع القطعة هنا بدل برّا: وقت التوصيل، والجمارك، والعيوب، وكيف يمشي الربط معنا.
فريق تم3 دقايق قراءة
إذا فتحت متجر تطبيقات شوبيفاي ودوّرت على الطباعة عند الطلب، بتلقى خيارات كثيرة، وأغلب الكبار منها يطبعون من خارج المملكة. هذا شي ممتاز لبراند يبيع للعالم. بس لو عملاؤك في الرياض وجدة والدمام، السؤال اللي يقرر تجربتهم مو كم منتج في الكتالوج. السؤال: من وين تطلع القطعة؟
هذي الصفحة لصاحب متجر على شوبيفاي عملاؤه في السعودية، ويبي يعرف وش يتغيّر لما المصنع يكون هنا.
مكان الطباعة يقرر وقت التوصيل
الطلب اللي ينطبع برّا يقطع حدود قبل ما يوصل، والمدة ممكن تمتد لأسابيع بسبب الشحن والجمارك. وعميلك في هالوقت يسألك أنت: وين طلبي؟
لما تنطبع القطعة داخل السعودية، الحساب يختلف: نبدأ على الطلب أول ما يوصلنا، ويوصل عادةً خلال يومين لكل مدن المملكة. وفي حالات نادرة قد ياخذ لين 14 يوم. وتوصيل خلال يومين يغيّر كلام عميلك عنك، ويقلل رسائل «وين طلبي» اللي توصلك.
الجمارك والرسوم وقت الاستلام
الطرد الجاي من برّا ممكن يمر على جمارك وضريبة استيراد، وحسب طريقة الشحن ممكن تنطلب من عميلك وقت الاستلام. وعميل دفع سعر القطعة وانطلب منه مبلغ ثاني عند الباب ما يرجع يشتري.
القطعة اللي تنصنع وتنشحن داخل السعودية ما تمر على هذا كله. الرحلة كلها داخل المملكة.
العيوب والإرجاع لما المصنع قريب
القطعة المطبوعة تنصنع لعميل بعينه، فما فيها استبدال مقاسات. بس لما يطلع فيها عيب، قرب المصنع يفرق: نعيد الطباعة والشحن على حسابنا، وتبلّغنا خلال 7 أيام من التسليم مع صورة توضّح العيب. والشحنة اللي ما انسلّمت ترجع لمستودعنا.
اللي يبقى في شوبيفاي مثل ما هو
- قالبك وتطبيقاتك وطرق الدفع. الربط ما يلمس قالبك ولا طرق الدفع عندك. والدفع في شوبيفاي للتاجر السعودي يمر ببوابة من جهة ثالثة، وهذا كله يبقى مثل ما رتبته. فصّلناه في مقارنة شوبيفاي وسلة.
- فلوسك. عميلك يدفع في متجرك، وفلوسك توصلك من منصتك. تم ما تمسك مبيعاتك.
- منتجاتك. تبقى مثل ما هي، والقطع المطبوعة تنضاف جنبها. ولو طلب عميلك الاثنين، حنا نشحن قطعتنا وأنت تشحن منتجاتك.
لمين يناسب، ولمين ما يناسب
الصراحة أوفر لك من التجربة:
- يناسبك إذا أغلب عملائك في السعودية، وتبي قطع بتصميمك بدون مخزون، وتوصيل يحسب له عميلك حساب.
- ما يناسبك إذا تبيع لعملاء برّا المملكة، لأننا نشحن داخل السعودية بس. ولا إذا تبي تطريز أو طباعة كاملة على القطعة أو قصّة خاصة فيك: كتبنا كل اللي ما نسويه مع السبب في صفحة الحدود.
كيف يمشي الربط مع شوبيفاي
تطلب الربط، ونجهّزه معك خطوة بخطوة. وبعدها:
- تختار قطعة من الكتالوج وتحط تصميمك عليها. المنتج ينزل في متجرك بصوره ومقاساته، وأنت تحدد سعره.
- عميلك يطلب ويدفع في متجرك. مثل أي طلب.
- الطلب يوصلنا لحاله. وتنخصم تكلفة القطعة والشحن من محفظتك في تم.
- نطبع ونفحص ونغلّف ونشحن باسم متجرك. ورقم التتبع يرجع لمتجرك.
وما فيه اشتراك عندنا فوق اشتراك شوبيفاي، ولا عمولة على سعرك. وكل شهر توصلك فاتورة ضريبية بكل اللي دفعته لنا.
وين تجي تــــم
تــــم مصنع ومستودع داخل السعودية يشتغل ورا متجرك على شوبيفاي: نطبع ونغلّف ونشحن كل طلب لعميلك في السعودية باسم متجرك. كيف يشتغل الربط مع شوبيفاي
أسئلة شائعة
- تشحنون لبرّا السعودية؟
- حالياً نشحن داخل السعودية، لكل مناطق المملكة. فالربط يناسب متجر عملاؤه هنا.
- كيف يتم الربط مع شوبيفاي؟
- تطلب الربط، ونجهّزه معك خطوة بخطوة. وبعدها كل طلب في متجرك على شوبيفاي يوصلنا لحاله، ونشحنه باسم متجرك.
- كم ياخذ الطلب لين يوصل عميلي؟
- نبدأ عليه أول ما يوصلنا، ويوصل عادةً خلال يومين لكل مدن المملكة. وفي حالات نادرة قد ياخذ لين 14 يوم.
- فيه رسوم شهرية عندكم فوق اشتراك شوبيفاي؟
- لا. ما عندنا اشتراك ولا عمولة على سعرك. تدفع لكل طلب بس: تكلفة القطعة والشحن، من محفظتك في تم.
- وش يصير إذا وصلت القطعة وفيها عيب؟
- نعيد الطباعة والشحن على حسابنا. بلّغنا خلال 7 أيام من التسليم مع صورة توضّح العيب.
- الشحنة عليها شعاركم؟
- لا. الشحنة توصل باسم متجرك في تغليف سادة ما عليه شعارنا.
