ليش عند الطلب
تبيع أولاً، نصنّع ثانياً
القطعة ما تنطبع إلا لما يطلبها عميلك ويدفع. هذا النموذج كله.
صفر مخزون
ما تشتري بضاعة قبل ما تبيع. القطعة تتصنّع لما يطلبها عميلك، مو قبل.
بدون رأس مال
ما فيه حد أدنى، قطعة وحدة تكفي. وإذا ما جاك طلب، ما دفعت شي.
أنت تحدّد السعر
تشوف تكلفة القطعة قبل ما تنشرها، وتحط سعرك. الفرق بعد التكلفة والرسوم ربحك.
تصميم جديد اليوم
عندك فكرة؟ تنشرها اليوم وتشوف وش يبيع، بدون ما تصنّع شي.
بالضبط
كيف يمشي الطلب
أربع خطوات، وأنت عليك الأولى بس.
- 1
تصمّم على قطعنا
تختار قطعة من الكتالوج، تيشيرت أو كوب أو بوستر أو غيرها، وتحط تصميمك عليها في المحرر. تشوف شكلها قبل ما تنشرها.
- 2
عميلك يطلب ويدفع
القطعة تطلع في متجرك على تــــم بسعرك أنت. عميلك يطلب ويدفع مثل أي متجر.
- 3
نطبع القطعة نفسها
الطلب يوصلنا لحاله. نطبع القطعة اللي طلبها عميلك بالضبط في مصنعنا، ونفحصها قبل التغليف.
- 4
نغلّف ونشحن باسمك
نغلّفها ونشحنها لعميلك من داخل السعودية. توصله من يوم إلى 4 أيام حسب منطقته.
براندك
عميلك يشتري من براندك، مو من تــــم
من أول ما يفتح متجرك لين يفتح الكرتون، عميلك يشوف براندك أنت.
متجر بتصميمك
تشرح اللي تبيه، والوكيل يبني متجرك. بدون قوالب.
دومينك الخاص
تربط دومين باسم براندك من لوحتك.
ما فيه اسمنا
لا على الكرتون ولا على القطعة. الملابس في كيس شفاف مطفي، ثم كيس الشحن.
ياقة بعلامتك
تطبع شعارك داخل الياقة على القطع اللي تدعمها.
قريب: شعارك على أكياس التغليف، وكروت شكر لعملائك.
الكتالوج
اختر قطعة، وحط تصميمك عليها
قطع جاهزة من الكتالوج. تختار، تصمّم، وتنشرها في متجرك بسعرك.
ربحك
ما تدفع شي قبل ما يجيك طلب
عميلك هو اللي يدفع ثمن القطعة. من المبلغ تنخصم تكلفة القطعة والشحن والرسوم، والباقي لك.
- عميلك يدفع سعرك
- تنخصم تكلفة القطعة والشحن والرسوم
- والباقي لك
- تشوف تكلفة كل قطعة في لوحتك قبل ما تنشرها، وأنت تحط سعرك.
- تكلفة الشحن واضحة، وأنت تقرر وش يدفع عميلك للشحن.
- وتنخصم معها رسوم الدفع (بطاقة أو مدى أو تمارا)، ورسوم المستودع إذا شحنّا بضاعتك، وضريبة القيمة المضافة على رسومنا. فاتورتك الشهرية توريك كل خصم سطر بسطر.
- أرباح طلباتك المشحونة تتحوّل لحسابك البنكي كل يوم أحد، إذا وصلت 100 ريال وكمّلت بيانات التحويل: الآيبان والسجل التجاري أو وثيقة العمل الحر.
العيّنات
العيّنة توصلك بالضبط مثل ما توصل عميلك
نفس التغليف ونفس الوقت ونفس الجودة. فريقنا ما يدري إنها عيّنة، تمشي مثل أي طلب.
- تلمس القماش بإيدك.
- تتأكد من المقاس وكيف تلبس القطعة.
- تقارن بين نسخ من تصميمك، لأن المطبوع يختلف عن الشاشة.
- تطلب كمية أكبر وتشحنها بنفسك، أو تستخدمها في الإيفنتات.
صناعة سعودية
صناعة سعودية، من القماش للكرتون
من القماش لين الكرتون، كل خطوة تصير في مصنعنا داخل السعودية، عشان نضمن الخامة والقصّة والطباعة.
