ليش عند الطلب
تبيع أولاً، ونصنّع ثانياً
القطعة ما تتصنّع إلا لما يطلبها عميلك ويدفع. هذا كل النموذج.
صفر مخزون
ما تشتري بضاعة قبل ما تبيع. القطعة تتصنّع لما يطلبها عميلك، مو قبل.
بدون رأس مال
ما فيه تكلفة بداية، ولا حد أدنى للكمية. قطعة وحدة تكفي.
أنت تحدّد السعر
تكلفة القطعة ثابتة وواضحة في لوحتك. كل ريال فوقها ربحك.
يتصنّع لما يُطلب
الطلب يوصلنا من متجرك، ونطبع ونغلّف ونشحن في نفس اليوم.
متجرك
وش يوصل متجرك، ووش يوصلنا
تصمّم عندنا وتبيع عندك. المنتج يطلع في متجرك كأنك أضفته بنفسك، والطلب يوصلنا وحده.
| الشي | يطلع في متجرك | يوصلنا |
|---|---|---|
| المنتج | الاسم، الوصف، الصور، المقاسات والألوان | التصميم وملف الطباعة |
| السعر | سعرك اللي حددته، بعملة متجرك | تكلفتنا فقط. سعرك ما نشوفه |
| الطلب | يبقى في متجرك مثل أي طلب | نسخة فيها القطع والعنوان عشان نطبع ونشحن |
| التتبع | رقم الشحنة ورابط التتبع يرجعان لطلبك | حالة الطلب: قيد الطباعة، تم الشحن، تم التسليم |
| عميلك | بياناته عندك. الفاتورة من متجرك | الاسم والعنوان على الكرتون بس |
كل شي ثاني في متجرك ما يتغيّر: الدفع، الكوبونات، الفواتير، والرسائل لعميلك.
ربحك
تكلفتنا ثابتة، وسعرك بيدك
تشوف تكلفة القطعة قبل ما تنشرها. تحط سعرك في متجرك، والفرق ربحك بعد ما يدفع عميلك.
الكتالوج
وش تقدر تطبع؟
قطع جاهزة من الكتالوج، تختار وتصمّم وتنشر.
تيشيرتات
كلاسيك وأوفر سايز، قطن ممشط، طباعة صدر وظهر وياقة.
هوديات وسويت شيرت
قطن مبطن ثقيل، مساحة طباعة واسعة.
كابات
تطريز أو طباعة على الواجهة.
أكواب
سيراميك، طباعة على كامل المحيط.
بوسترات
ورقية من A4 إلى A1، ومعدنية.
ديسك باد وماوس باد
طباعة على كامل الوجه، حواف مخيّطة.
تصاميم حقيقية
كل فكرة عندك تنطبع وتنباع
أي فكرة تجيك تقدر تحولها لمنتج وتختبره في متجرك، وتغيّره وتجرّب غيره متى ما بغيت، بدون مخزون تلتزم فيه ولا حد أدنى.
صناعة سعودية
صناعة سعودية، من القماش للكرتون
من القماش لين الكرتون، كل خطوة تصير في مصنعنا داخل السعودية، عشان نضمن الخامة والقصّة والطباعة.
